tg-me.com/azizalfesli/11663
Last Update:
إنت سر الله العظيم
يا صراط المستقيم
ٱنت عصاة الكليم
بعد إعجاز الخليل
ياعلي حامي الدخيل
~_~
ٱنت حد المعرفه
إنت قاموس الوفه
النبي بيك اكتفه
والمبيت اكبر دليل
ياعلي حامي الدخيل _
يا وجود ابلا عدم
وحي اسمك وإنكتم
قاف والنون وقلم
نزل بيهن جبرائيل
ياعلي حامي الدخيل _
إنت سيد الاوصياء
وهدف درب الأنبياء
إنت زهد الأتقياء
ومعرفة رب الجليل
ياعلي حامي الدخيل _
ٱنت ميزان الفلك
وتاج راس الكل ملك
إسمك إنت بس إلك
لا شبيه ولا بديل
ياعلي حامي الدخيل _
الله خص اولايتك
ونصر دينه برايتك
الكون لوما گبتك
من يكضه لو يميل
ياعلي حامي الدخيل _
ما تبالي بالصفوف
خزرتك بيها الحتوف
سيفك إيذل السيوف
فصلت درع الثجيل
ياعلي حامي الدخيل _
ٱنت دربت الحسن
سلمت بيده الرسن
ودفك جوده إعله الزمن
غطه جيلإ بعده جيل
ياعلي حامي الدخيل _
وإرسمت درب الحسين
بين فرض الركعتين
شفت دم الودجين
دم على شيبك يسيل
ياعلي حامي الدخيل _
منك إليوث الثرى
ظهر سبع الگنطره
يوم جال ابعسكره
الگاع هم رادت تشيل
ياعلي حامي الدخيل _
سلمت راية فخر
بيد عباس الگمر
زوده للطف إنذخر
للظعن حامي وكفيل
ياعلي حامي الدخيل _
*الشاعر راضي الفيصلي*
قناة الشاعر الأستاذ أبو باقر #عزیز_الفيصلي
https://www.tg-me.com/us/الشاعر عزیز الفیصلي/com.azizalfesli
BY الشاعر عزیز الفیصلي
Warning: Undefined variable $i in /var/www/tg-me/post.php on line 283
Share with your friend now:
tg-me.com/azizalfesli/11663